Како си поминавме на 7-от Стартап Викенд Скопје?

Во периодот од 19ти до 21ви октомври се одржа 7-то издание на Стартап Викенд во просториите на CEED HUB, каде над 50 млади и креативни луѓе земаа учество и работеа на развивање на идеите во реален бизнис. Настанот имаше за цел да ги инспирира младите да го направат првиот чекор кон остварување на своите идеи и нивно претворање во реален бизнис.

На годинешниот Стартап Викенд учествуваанад 50 учесницикои ги презентираа своите идеи и потоа во формирани тимови ги развиваа во текот на викендот. Нивните идеи беа поддржани од21 менторкои согласно со нивната експертиза им дадоа практични совети и насоки на тимовите за развивање на нивните идеи.

Почетокот на Стартап Викенд започна со официјално презентирање на концептот на настанот и неговата мисија и визија, претставени од интернационалниот фасилитатор Daniel Kyne. Потоа следеа 1- минутни презентации од сите учесници кои имаа идеи, а последователно следеше и гласање на презентираните идеи од страна на сите присутни. Од вкупно 15 презентирани идеи, 10 освоија доволно гласови за да продолжат да се развиваат во текот на викендот. Околу секоја идеја се формираше тим со различни вештини за да може целосно да биде развиена идејата.

Во саботата тимовите уште од рано утрото го почнаа денот работно. Пред менторските сесии веќе беа креирани прототипи од неколку тимови. Менторските сесии беа закажани на пладне и сите ментори беа поделени во менторски тимови и имаа време да поминат со 2 часа со 5 томови. Сите тимови добија практични совети како да го подобрат своето решение, некои дури остварија соработка со компаниите на менторите како први корисници на нивното решение.

Последниот ден беше финалето на Стартап Викенд и сите тимови ги подготвуваа своите 5-минутни презентации. Адреналинот растеше, паника и возбуда беше комбинацијата на емоции кои го исполнија просторот. Пред официјалното затворање на работата и отворање на финалните презентации, тимовите имаа можност да направат пробно презентирање на своите идеи пред фасилитаторот Daniel Куne, организаторот Иван Зографски  и еден од судиите Frank Milani. Тие им дадоа последни насоки на тимовите кон што треба да се фокусираат повеќе и како подобро да го претстават своето решение.
Секој тим ја презентираше својата идеја пред шест-членото жири составено од Глигор Дачевски, Ивана Станкович, Димитар Ковачевски, Ѓорги Кушевски, Frank Milani и Signe Viimsalu. Откако сите тимови презентираа, краток говор одржа Frank Milani, кој укажа на мотивацијата и целата позитивна енергија која циркулираше за време на викендот и придонесе секој тим да идентификува можност и да претстави решение за истата можност.

Судиите според дефинираните критериуми ги избраа победниците на овој Стартап Викенд:

  • Tретото место го освои тимот “Challenger” и нивната платформа за социјално претприемништво која има за цел да ја поттикне општествената и социјалната одговорност кај индивидуалците и компаниите.
  • Второто место го освои тимот “Akva Gradina” и нивното широко достапно решение за одгледување на органски растенија.
  • Првото место го освои тимот “Anita.Ai” и нивното решение за поедноставување на концептот на вештачка интелигенција.
  • Почесна награда освои тимот “Вело Регистар”, чија идеја е да се создаде платформа каде што секој сопственик на велосипед може да го регистрира истиот и да го лоцира полесно доколку е украден или пак да го продаде. Тие веќе добија поддршка од најголемата вело-иницијатива На Точак.

Стартап Викенд Скопје 2018 беше организиран од тимот на Солвео и нивната цел беше да се создаде можност за амбициозните и креативни луѓе да дојдат и да ги споделат своите идеи и да го направат првиот чекор кон нивното остварување. Потребно е да се даде вистинска шанса за креирање на нови решенија кои ќе го унапредат нашето општество.

Овогодинешниот Стартап Викенд Скопје немаше да биде толку успешен без нашите спонзори: CEED HUB, Solveo, Sparkasse Bank, Code Academy, Best Way Investment, Backyard, La delicious, Пивара Скопје, LADNA, Swiss Contact, UNDP, Brainster, Фонд за иновации и технолошки развој, Swiss Agency for Development and Cooperation SDC, Семос Едукација, МК Host, Boulevard Bar&Kitchen, Markt, Nescafe, Kaнтина, Виталиа, Twins Sandwiches, благодарение на нашите спонзори настанот беше беспрекорно покриен од сите аспекти.

Со овој Стартап Викенд уште еднаш се покажа дека младите кај нас не само што можат, туку и умеат да направат нешто кое ќе придонесе за позитивен ефект во целото општество.








Startup Weekend life-changing experience!

Startup weekend 2015 was my first involvement in the startup scene in Macedonia. I knew something was cooking around the startup scene in Macedonia but I never thought there are/will be so many enthusiasts in one room in one place. Together with a high school friend of mine, we bought tickets and went to Kafana to “discuss” possible ideas day before the event.

When Startup Weekend started we formed a team with two more members. The team – NCS – don’t remember what the acronym stands for anymore – won that years edition of the Startup Weekend and even though we are not working on the project anymore – we are not a failed startup just we didn’t manage to monetize the app. We all went on our separate ways creating better tomorrow in Macedonia and the region and we all know that startup weekend 2015 made us what we are today.

Last but not least, startup weekend is the only place where you enter alone and after 54 hours you exit with new test app, a godfather for your child, a team and bunch of friends, tons of mentors advice, free office space and legal help to launch a company. I always want to recommend business books but the best advice on how to start, ran and do business is Startup Weekend So don’t miss out this opportunity to join this Startup Weekend and experience those 54 hours that will change your life entirely!








6 причини зошто да дојдеш и да ја претставиш твојата идеја на Startup Weekend Skopje

Секој викенд е иста приказна, со истите луѓе, на истите места. Сакаш да искусиш нешто поинакво, да направиш нешто продуктиво, нешто што има потенцијал да ти го промени животот засекогаш. Startup Weeknd Skopje ти нуди можност за забавни и динамични 54 часа, во кои ќе научиш многу, ќе направиш многу и ќе се запознаеш со многу нови луѓе. Прочитај ги останатите причини зошто учеството на овој настан е најпаметното нешто што можеш да го направиш за време на викендот 19-21 октомври, и откако ќе се убедиш, пријави се на на овој ЛИНК.

  1. Оствари го сонот на секоја добра идеја!
    Најверојатно имаш барем една генијална идеја во твојот ум. Најверојатно, се сметаш себе за амбициозна личност и барем еднаш во денот се прашуваш како би бил твoјот живот доколку таа идеја се реализира. Сигурно твојата идеја е вредна и заслужува да се разработи но самата помисла да почнеш да ја разработуваш сам е доволно застрашувачка.
    Колку и да звучи неверојатно, Startup Weekend овозможува безбедно место за споделување на идеите, нивна разработка и можност за реализација и сето тоа за само 54 часа. Твојата идеја може да биде подобрена и за нејзиното развивање секогаш ќе добиеш помош и од други ентузијасти, како и експерти од различни полиња кои ќе ти бидат достапни за време на настанот.
  1. Да се почне или не, прашањето е сега!
    Најтешкото е секогаш да се почне и да се проба. Зошто? Затоа што стравот од неуспех, кој е многу веројатен при првиот обид, е премногу голем. Во животот, соочувањето со пречки и проблеми е неизбежно. Но не треба да дозволиш тоа да те спречи да се обидеш. И навистина, нема подобра можност да започнеш да работиш на твојата идеја на Startup Weekend. Покрај идеалните услови за разработка на идејата, поддршка од искусни професионалци и многу продуктивна атмосфера, дури и твојот прв обид да биде неуспешен, најважно е тоа дека си пробал/a. Но да не заборавиме, тие 54 часа навистина можат да го променат твојот живот – твојата идеја може да биде победничка и да продолжиш со реализација на истата.
  1. Колку е голема твојата мрежа?
    Во бизнис светот, контактите навистина се најпотребни. А воопшто не е лесно да се дојде во контакт со индивидуи кои веќе изградиле нешто и би можеле да бидат многу корисен советник, партнер, па дури и потенцијален инвеститор. На Startup Weekend, овие навидум недостапни луѓе стануваат достапни и тие ќе бидат таму со цел да ти помогнат. Но твојата мрежа нема да биде надоградена само со “недостапните”. Многу е возможно некој од учесниците што за време на настанот ќе седи на истата маса со тебе да стане “недостапен” во иднина. Искористи ја оваа можност да ја прошириш твојата мрежа, никогаш не знаеш чија помош ќе ти биде потребна, поскоро или подоцна.
  1. Фидбек како никогаш до сега!
    Еден од најважните аспекти на настанот кој цело време го споменуваме се експертите кои ќе бидат дел од него и нивните совети, искуства и професионални мислења кои ќе им бидат достапни на сите тимови. Ова е навистина шанса која не треба да се пропушти, затоа што самата поддршка, критика или совет од овие индивидуи е бесценета. А ти ќе ги имаш сите на располагање за време на настанот. Листата на ментори кои ќе присуствуваат на настанот можеш да ја разгледаш на www.sw.мк
  1. Од колаборација до корпорација!
    Во самото срце на секој успешен бизнис стои група на луѓе кои ги здружиле своите идеи, искуства, знаења и контакти со цел да создадат нешто поголемо од нив. Клучниот збор во таа реченица е “група”. Мислата дека не треба да бараме помош или дека можеме се да направиме сами е една од најголемите пречки кај повеќето претприемачи. Но не можеме да ги обвиниме, затоа што повеќето од нив не познаваат доволно други луѓе кои би можеле да бидат нивни партнери. Startup Weekend е местото каде што сите присутни го споделуваат претприемачкиот дух и сакаат да ги употребат своите доблести за да реализираат нешто поголемо од нив. Дојди и креирај врски кои ќе траат долги години, ќе ти помогнат да ги реализираш своите соништа и да најдеш поддршка и ентузијазам во други индивидуи кои најверојатно не би ги ни запознал на друг начин.
  1. Учењето не се случува само во училиште
    Веруваме дека веќе имаш почуствувано како е да учиш од искуство. За време на Стартап Викенд ќе научиш многу работи за различни теми и за различни начини. Ќе научиш како фукционираат стартапите, ќе научиш за новите иновации и трендови во светот, но ќе научиш и повеќе за луѓето во светот на иновацијата. Ќе учиш од секоја интеракција и секој момент. Замисли си дека си сунѓер и дојди на Startup Weekеnd за да впиеш што е можно повеќе од сето знаење што ќе го исполни просторот.

Сигурни сме дека оваа листа на причини зошто да учествуваш на Startup Weekend Skopje те разубеди дека е најдоброто нешто што можеш да го правиш за време на викендот 19-21 октомври. Доколку не го направи тоа веќе, обезбеди си карта тука, и се гледаме во Ceed Hub.

 








Startup Weekend – the biggest event for entrepreneurship in the world! Discover how it works and why you should join!

Eventually, everyone one of us has come up with an idea to start a business, regardless of whether you have given more thought about it or just something you shared with your friends during coffee. And that’s the great thing, many ideas come from our everyday surrounding. Even the biggest companies today, such as Dropbox, Facebook, Apple and others started small. Just the conditions to try to start something new were very different then and now.

Today, thanks to the advanced technology and easy access to knowledge, we can search for a business idea very easily. One of the greatest benefits nowadays is Startup Weekend – a 54 hours event where motivated and ambitious people get together and share their ideas about a certain problem. They begin with pitching the ideas and then the participants vote for the ideas that seem feasible and provide a solution to a problem. Then, they form teams where each team works on the idea for the entire weekend.

During their work, they have mentoring sessions, where experienced professionals from different areas of expertise such as business, IT, marketing, graphic design, finance, developers, UX/UI designers, fundraising and many others. share their knowledge and market insights to help the teams create the best solution possible. The latest day the teams present their prototypes in front of a jury, consisted of highly experienced business people with different backgrounds. They have a task to listen and estimate each team and decide which ones will get a chance to continue to develop further their idea.

One of the biggest benefits for every participant is that you can finally present your idea to an audience that not only will be glad to hear it, but it can help you transform it into a real business. A second best thing that is happening during the entire Startup Weekend is the incredible chance for networking. You can contact directly every mentor and judge during the weekend, get to know them, their story, open new opportunities for your career. Also, you get a chance to win prizes that will help you transform your idea into a real business after the weekend is finished.

Stop procrastinating and take the chance to make a change in your life!

Secure your place here!

 

 








10 Прашања што сакам да ги знам за Стартап Викенд Скопје

Дали знаеш што е Стартап Викенд, како да се регистрираш, што треба да донесеш и како да се подготвиш? Одговорите на овие и многу други прашања ќе можете да ги прочитате тука, а доколку имате други прашања слободно можете да нè контактирате на skopje@startupweekend.org или во порака на нашата фан страна.

Што е Стартап Викенд?

Стартап Викенд е 54-часовен настан, каде програмери, дизајнери, маркетинг експерти, продукт менаџери и стартап ентузијасти се собираат да ги споделат своите идеи, да создадат производи и да ги лансираат своите стартап компании! Учесниците ќе имаат можност да работат со ментори кои се искусни експерти во своите области, а на крајот ќе ги презентираат своите идеи пред жирито, а за најдобрите ќе има специјални награди и изненадувања

2. Дали овој настан е за мене?

Учесниците на настанот припаѓаат на различни сфери, најголемиот дел имаат технички (програмери, кодери, дизајнери) или бизнис познавања (маркетинг, финансии, право). Она што ги обединува сите присутни е заедничкиот интерес на претприемништвото, независно дали веќе имаат искуство или прв пат стапнуваат на стартап сцената. Сите учесници сакаат да работат во тим кадешто ќе најдат заеднички интереси, ќе бидат мотивирани и вешти во тоа што го прават за да развијат продукт или бизнис за еден викенд. Ако ова ти е доволно примамливо, Стартап Викенд Скопје е настан за тебе!

3. Дали може да дојдам сам/а или мора да се пријавам со тим?

Не мора да се пријавиш во тим, може и сам. Меѓутоа тоа што треба да го знаеш е дека ако твојата идеја (или идејата на твојот тим) не биде изгласана од страна на присутните од кога ќе завршат сите презентации, ќе треба да се приклучиш на некој од останатите тимови. Целта на гласањето не е да се исклучат некои идеи, туку да се истакнат најпопуларните и тие со најголем потенцијал, а тимовите да бидат што е можно поразновидни од апспект на претходни познавања и одредени вештини на членовите.

4. Како да се регистрирам?

Секој Стартап Викенд настан има соодветен сајт каде што можеш да се регистрираш. За Стартап Викенд Скопје тоа е www.sw.mk, а картите можете да ги купите на следниов линк.

5. Колку чинат картите?

Картите се по цена од 15.00€. Во цената се вклучени храна и пијалоци за сите три дена од настанот.

6. Зошто треба да платам за да присуствувам на настанот?

Постојат две главни причини за ова:
• Ова е начин да се покријат делумно трошоците за организирање на настанот. Бидејќи само мал дел од трошоците може да се покријат, останатиот дел се обидуваме да биде покриен од страна на спонзорите.
• Исто така е начин да бидеме сигурни за посветеноста од страна на учесниците, а притоа настанот да остане прифатлив и достапен за сите.

7. Што треба да понесам со мене на настанот?

• Лаптоп и полнач
• Бизнис картички – одлично место за нетворкинг и запознавање нови лица
• Сè она што ќе ти биде потребно доколку останеш 3 дена да работиш без да се вратиш дома ?
• Позитивна енергија и мотивација

8. Како да се припремам пред да дојдам?

• Направи истражување за какви корисни и практични стартап алатки можеш да користиш, како и за последните иновативни стартап решенија. На www.startupweekend.org/resources има датабаза од алатки кои може да се најдат на интернет, кои ќе ти помогнат во реализацијата на твојата стартап идеја.
• За време на настанот нема да имаш многу време за спиење, затоа претходните денови одвој си доволно време за да ги наполниш батериите.
• Ако планираш да презентираш, во 60 секунди треба да ги убедиш присутните да гласаат за твојата идеја и да привлечеш тим со кој ќе работиш. Затоа направи доволно истражувања, подготовки и вежбај си го говорот (макар и пред огледало).

9. Дали морам да работам 54 саати без престан?

Не. На некои настани тимовите одлучуваат да работат во петок и/или сабота навечер, но ова ниту е задолжително, ниту се очекува од тимовите. Сепак, за поамбициозните просторот каде што ќе се оджува Стартап Викенд Скопје ќе биде отворена и во текот на ноќта.








#SWSkopje Success Story: VoziMe

Серијата на успешни и интересни стартап приказни кои произлегоа од Стартап Викенд Скопје продолжува. За таа цел направивме кратко интервју со дечките од ВозиМе – тим кој создаде македонската платформа за споделување на превоз со повеќе од 700 активни корисници.

swskopje3

  1. Вие бевте учесници на четвртиот Стартап Викенд. Дали продолживте да работите како тим и дали апликацијата што ја изработивте работи во моментов?

Идејата за ВозиМе беше презентирана на четвртиот Стартап Викенд, и покрај тоа што бевме во победниците, со мали измени во тимот, продоживме да работиме на проектот. Околу година подоцна, ВозиМе е функционална веб апликација која се обидува да се позиционира како сериозен играч на пазарот на траспорт. Во моментов ВозиМе е во бета фаза, но имаме над 700 регистрирани корисници, над 300 споделени превози или во км над 70.000 км извозени на нашата платформа по само неколку месеци од пуштањето во употреба.

-Стартап Викендот ни представуваше одлично место на поаѓање за на нашето Возење. Со мали измени во тимот успеавме нашата идеја, година подоцна да се реализира во целосно функционална веб платформа која се обидува да се позиционира како сериозен играч на паарот на транспорт. До моментот заедно се извозени  повеќе од 70 000 км во  забава и запознавање на нови пријатели.

  1. Дали во меѓувреме најдовте инвеститор за апликацијата?

Досега не сме нашле инвеститор, но искрено, не сме ни барале. Засега се концентрираме на градење на база на корисници, тестирање и усовршување на прозиводот се дури не стигниме и валидираме МВП. После ова, планираме целосно да се посветиме на барање на инвестиции.

  1. Што е она што го научивте на последниот #swskopje и што би смениле доколку повторно ја имате истата можност да се натпреварувате?

На Стартап Викендот научивме колку е битен тимот и егсекуцијата на самата идеја. Имаше огромен број на идеи, исто така голем број на тимови, но најуспешните беа тие што најповеќе го инвестираа своето време и труд во нивните прототипови.

Ние веруваме дека се се случува со причина, па не би менувале многу околу тој викенд.

  1. Што им препорачувате на тие што планираат да дојдат на #swskopje?

На идните учесници на Стартап Викендот им препорачуваме да не спијат и да не се враќаат дома. Да се запознаваат со нови професионалци, да работат напорно на нивните проекти, да учат и да ги искористат максимално судиите и менторите.

  1. Дали се гледаме пак на 28ми Октомври?

Се разбира дека ДА. Ние редовно се ВозиМе на секој Стартап викенд. 🙂

Дали вие ќе учествувате на овогодинешниот Стартап Викенд Скопје? Пријавете се уште денес на: www.sw.mk или земете ја вашата карта овде.







#SWSkopje Success Story: NCS

Серијата на успешни и интересни стартап приказни кои произлегоа од Стартап Викенд Скопје продолжува. За таа цел направивме кратко интервју со дечките од NCS – тим кои сакаат преку апликацијата VoiTEx да им помогнат на глувите и лицата со оштетен слух да воспостават телефонски повик.

startupweekendskopje-1

На петиот Стартап Викенд го освоивте првото место. Дали продолживте да работите како тим и дали апликацијата што ја изработивте работи во моментов?

Здраво на сите, па како сте Startup Weekend? Моментално тимот сеуште функционира така да спремете се во блиска иднина на еден земјотрес

Дали во меѓувреме најдовте инвеститор за апликацијата?

Да ви кажам, сеуште не сме почнале да бараме инвеститор за VoITex, но не имаат исконтактирано неколку потенционални инвеститори.

Што е она што го научивте на последниот #swskopje и што би смениле доколку повторно ја имате истата можност да се натпреварувате?

Ептен ми е ќеиф што се наближува уште еден Startup Weekend, уште една дружба, нови идеи, нови пријателства… На секој ваков настан има многу да се научи, дали било кодирање, презентирање и сл. Самото тоа што има добри ментори од кои може да се научи премногу, доволно кажува присуството на ваков настан. Дали би смениле нешто? Хмммм……

 Што им препорачувате на тие што планираат да дојдат на #swskopje?

Ич да не се плашите да се пријавите. Топ забава, топ луѓе, неспиени ноќи J

Дали се гледаме пак на 28ми Октомври?

Тоа не се кажува 🙂








#SWSkopje Success Story: Slapp

Серијата на успешни и интересни стартап приказни кои произлегоа од Стартап Викенд Скопје продолжува. За таа цел направивме кратко интервју со дечките од Slapp – тим составен од ентузијасти кои работеа на апликација која на интересен начин помага да ја победите прокрастинацијата. Тие беа еден од тимовите кои ни презентираа и демо верзија.

swskopje

На петиот Стартап Викенд го освоивте второто место. Дали продолживте да работите како тим и дали апликацијата што ја изработивте работи во моментов?

Апликацијата не е изработена, но тимот е уште во истиот состав со истата енергија и уште работиме заедно.

Дали во меѓувреме најдовте инвеститор за апликацијата?

Не. Според нас инвеститор е потребен за девелопмент доколку фалат луѓе во тимоти или за маркетинг. Во фаза на девелопмент не ни треба инвеститор бидејќи ние сме комплетен тим.

Што е она што го научивте на последниот #swskopje и што би смениле доколку повторно ја имате истата можност да се натпреварувате?

Ништо не би смениле, освен тоа што би ја завршиле апликацијата на време.

Што им препорачувате на тие што планираат да дојдат на #swskopje?

Да не бидат вработени. Да имаат добра идеја, да бидат најкреативни што можат, да бидат духовити и опуштени. Најважно од се е ДА ГИ ИМПРЕСИОНИРААТ СУДИИТЕ. И да се журкаат.

Си резервиравте Early bird карта?








Заврши уште еден Стартап Викенд Скопје

Со големо финале кое се одржа во петокот заврши петтиот Стартап Викенд Скопје. Овој пат, бизнис комплексот CoSeed беше домаќин на повеќе од 60 учесници, кои со помош на 20 локални и интернационални ментори ги развиваа своите стартап идеи. По петти пат Стартап Викенд Скопје беше место каде што се спојуваат млади креативни ентузијасти, дизајнери, програмери, економисти, маркетери, со една заедничка цел, да креираат своја стартап компанија за 54 часа.

DSC_0533

Во петокот беа презентирани 21 идеја, од кои по гласањето се формираа 12 тима. Саботата беше резервинрана за менторските сесии и подетално развивање на идеите. Тимовите добија совети околу маркетинг стратегија, креирање бизнис план, дизајнирање на апликации, но имаше време и за запознавање, одмор и заедничко дружење. Во неделата се работеше на последните подготовки за презентациите, дефинирање на идеите и најважниот дел, финалето. Тимовите ги презентираа своите идеи пред 5-членото жири, а ова се најуспешните од нив:

 

Третото место го освоија mono.mk, онлајн сервис кој ќе ви помогне да го решите парадоксот на изборот и ќе ви понудат еден продукт дневно по многу достапна цена. Совршена опција за неодлучни луѓе.

DSC_0480

Второто место им припадна на Slapp, апликација која на интересен начин ќе ви помогне да ја победите прокрастинацијата. Тие беа еден од тимовите кои ни презентираа и демо верзија.

DSC_0490

На #swskopje во Мај го освоија второто место со апликацијата NowPark.me, а овој пат првото место отиде во рацете на NCS, тим кои сакаат преку апликацијата VoiTEx да им помогнат на глувите и лицата со оштетен слух да воспостават телефонски повик.

DSC_0505

За најдобра презентација беше прогласен тимот Legend Squad, односно најмладиот тим чија идеја беше да направат Mindcraft сервер. Мораме да напоменеме дека овој тим беше едноставно awesome!

DSC_0444

StudieBuddies преку онлајн социјална платформа го решаваат проблемот со кој се соочуваат студентите кои не студираат во својот роден град и има за цел да ги поврзе оние кои имаат заеднички интерес, да учат заедно или пак да споделуваат материјали. WeLearn со апликацијата Буфко сакаат на младите деца од пред школска возраст да им овозможат забава и учење преку игри со кои можат да ја подобрат својата меморија. BusHelp имаат за цел да го решат проблемот со јавниот транспорт во Скопје. Идејата на FreshFridge е секогаш да имаме достапна здрава храна, а тоа ќе го решат преку достава до секој дом. ConDoma го решаваат проблемот што го имаат луѓето на каса кога купуваат производи кои им предизвикуваат срам и преку онлајн сервис овозможуваа дискретна достава до посакувана локација во брендиран пакет по избор. Идејата на StudentNinja е едукативна платформа која ги поврзува учениците, професорите и родителите и овозможува интерактивно учење. Тимот 1000 работеа на веб страна која ќе овозможува групно принтање. И за крај EBLApp, платформа каде што ќе може да го најдеш кредитот кој ти е потребен со пополнување на онлајн формулар што ќе проверува какви услуги нудат банките, со цел да можеме полесно да ја избереме онаа која најмногу ни одговара.

 

Со успешното завршување на Стартап Викенд Скопје уште еднаш се покажа дека во Македонија има многу креативни и вредни, млади луѓе, со квалитетни идеи кои можат да прераснат во успешни бизниси. Искуството со кое се збогатија учесниците на овој настан ќе им помогне при идните предизвици, а контактите кои ги стекнаа ќе им бидат од огромно значење при реализацијата на нивните идеи.

 Уште еднаш би сакале да се заблагодариме на сите кои ја поддржаа македонската стартап заедница преку нашиот настан:

Галеријата со слики од настанот можете да ја видите на фан страната на фејсбук, а твитовите што одеа за време на настанот ќе ги најдете на твитер под хаштагот #swskopje.

Следете нè и очекувајте го наредниот настан во 2016.

 








Повик за блогери на Стартап Викенд Скопје

sw-skopje

Што е Startup Weekend?

Startup Weekend претставува 54 – часовен глобален настан каде се здружуваат програмери, менаџери, студенти, маркетинг експерти и млади претприемачи со цел да генерираат нови идеи за бизнис и да направат план како успешно да ги реализираат, каде ментори се локални и меѓународни стартап експерти.

Во Скопје, овој настан оваа година ќе се одржи по 5ти пат од 20ти до 22ри Ноември во Бизнис Комплексот CoSeed каде што се очекуваат повеќе од 70 учесници, а дел ќе бидат многу локални и меѓународни ментори и судии. Минатогодишниот Стартап Викенд Скопје се одржуваше од 8ми до 10ти Мај оваа година во просториите на Телеком Иновативниот Центар каде имаше над 60 учесници, 15 ментори и околу 20 волонтери.

Сакате да станете официјален блогер за Стартап Викенд Скопје?

Напишете зошто сакате да присуствувате на Стартап Викенд Скопје за да станете „Официјален блогер и медиум“.

5 зошто, 5 затоа:

  • Изложете го вашиот блог/медиум на бизнис, технологија и иновативни лидери

  • Поврзете се со претприемачи, стартапи, дизајнери и инженери

  • Добијте информации и слики од прва рака

  • Имајте пристап до сите тимови, ментори и што е тоа што тие го прават

  • 54 часа забава!

Како да станете официјален блогер/медиум на SW Skopje:

  • Објавете блог пост „Зошто сакам да присуствувам на SW Skopje“ на Англиски или Македонски до 17ти Ноември

  • Споделете го на Facebook и Twitter со хаштаг #SWSkopje

  • Пополнете ја формата за апликацијата – Application form

Организаторите ќе ги одберат Официјалните SW Skopje блогери и медиумски партнери и ќе ги известат преку меил до 18ти Ноември. Одбраните кандидати треба да го потврдат своето присуство до 19ти Ноември.

Постовите на сите блогери ќе бидат официјално објавени на страницата на Up Global Sw Skopje.